श्री भद्रकाली देवी मंदिर

मंदिर माहिती

रेवंडीची देवी भद्रकाली हे जागृत देवस्थान म्हणून प्रसिद्ध आहे. देवस्थानच्या जुन्या जाणत्या व अनुभवी मानकर्यां कडून काही माहिती प्राप्त झाली आहे. त्यानुसार मंदिराची स्थापना सुमारे ४०० वर्षांपूर्वी झाली असावी, असे सांगण्यात येते. येथील रेवंडीच्या कांबळी घराण्यातील मूळ वंशज हे काशीहून आले. ते प्रथम कांदळगावच्या सीमेवरून सध्या असलेल्या कांबळीवाडी येथे वास्तव्यास आले. रेवंडी गावची मध्यवर्ती जागा निवडून तेथे श्री शंकर व पार्वती या उभयता देवतांची काळ्या पाषाणाची लिंग स्वरूपात स्थापना केली. हे अर्धनारीनटेश्वराचे एकरूप स्वरूप आहे. तसेच भद्र म्हणजे शिवशंकर व काली म्हणजेच पार्वतीमाता असल्यामुळे ही देवता ‘भद्रकाली’ या नावाने प्रसिद्ध झाली. या पवित्र स्थानात देवीच्या आगमनासंबंधी असे सांगितले जाते की, एकदा देवी पार्वती माता भगवान शंकरावर रुष्ठ होऊन या निर्जन व निसर्गरम्य अशा मनोहर ठिकाणी येऊन राहिली. तिची समजूत काढण्यासाठी भगवान शंकर अनेक देवता व आपल्या गणांसह येथे अवतरले. माता पार्वती संतुष्ट झाल्यावर उभयतांनी आमच्या येथे कायम वास राहील व आमच्या भक्तांचे सदैव रक्षण करू, असे वरदान दिले. त्याचबरोबर आपल्या सवे आलेल्या देवता व गण यांना त्यांचे उचित स्थान निर्माण करून दिले व वर्षातून एकदा तुमच्या भेटीसाठी येईन, असे वचन दिले. देवीच्या सामर्थ्यामुळे आतापर्यंत कोणतेही अरिष्ट वा रोगराईचे संकट गावात येऊ शकले नाही. स्वातंत्र्यपूर्व काळात रेवंडी व सर्जेकोट हे एक गाव होते. कालांतराने ते वेगवेगवेगळे झाले. देवीची बारा पांच स्थळे दोन्ही गावात स्थापन करण्यात आली आहेत ती पुढीलप्रमाणे – श्री काशीकल्याण ब्राह्मण, श्री कांबळी मूळ पुरूष, श्री जुगापती महापुरुष, श्री कुलस्वामी (आकार), श्री शारंगधर, श्री शिक्रोबा (महापुरुष), श्री खेयबा (चाळा), बाराची नीत, श्री श्री जैन ब्राह्मण, मोरया धोंडा, म्हारगीर( काठीकार), श्री क्षेत्रपाल, श्री सीमादेवी, चौकचार, हसनारो, तेलोमाखलो देव, पीर, बाबरो हसनारो देव याखेरीज बाराचा पूर्वज, पूर्वसंबंध, राठीचा देवचार, खुनी देवचार, गावडे पुरुष हे देवीच्या बाजूस गाभाऱ्यात स्थापन केलेले आहेत.

मंदिराविषयी महत्त्वाचे मुद्दे:

• स्थान: मालवणपासून ६ किलोमीटर अंतरावर रेवंडी येथे आहे.
• इतिहास: सुमारे ४०० वर्षांपूर्वीची स्थापना, जेथे देवी भद्रकाली जागृत रूपात आहे.
• संरचना: मंदिर मोठे आणि प्रशस्त आहे, त्यावर दोन मजले आहेत, पण म्लेच्छ उत्पात टाळण्यासाठी कळस नाही.
• स्वयंभू पिंडी: मंदिराच्या दक्षिणेला एक स्वयंभू, दुभंगलेली पिंडी आहे, ज्यावर मंदिर बांधण्यास देवाने संमती दिली नाही असे मानतात.
• विशेष दिवस: श्रावण सोमवार आणि महाशिवरात्रीला भाविकांची मोठी गर्दी असते.
• इतर मंदिरे: या परिसरात गणपती, दत्तात्रय आणि शनिदेव यांचीही मंदिरे आहेत.

दर्शन व आरती वेळा

फोटो व व्हिडिओ गॅलरी

श्री भद्रकाली देवस्थान कमिटी, रेवंडी

मंदिराचा नकाशा

संपर्क व स्थान

श्री भद्रकाली देवी मंदिर,
कोळंब मालवण – रेवंडी,
जि.सिंधुदुर्ग
महाराष्ट्र - ४१६६०६